Lanp petwo

 Lanp Cho ou lanp Petro nan Vodou Antik / Maître JB Asani.


Lanp cho oubyen lanp Petro nan Vodou ansyen an se lanp zansèt yo te konn monte ak pi gwo kapasite envokasyon wanga , paske yon Lanp cho monte pou yon koz dirèk e rapid .


Lanp cho plis monte pou jistis nan Vodou antik l’an pafwa se pou enjistis tou . 


Nan yon lanp cho yo ka envoke fòs Gad , Pwen ak nanm pou plis asirans ke yo envoke Lwa paske gen Espri ki jije avan aji konsa tou gen sa ki pa jije ki jis obeyi a envokatè ou envokatris la .


Lontan yon lanp cho se yon lanp ki dwe limen a midi ou Minwi paske se nan lè sa yo ki gen plis koneksyon nan Wanga , li ka limen 6è nan maten oubyen 6è nan aswè .


Yon lanp cho se yon Wanga ki mache rapid men sa depan de moun ki ap fè l la .


Loas yo plis envoke nan lanp cho yo se Loas Petro yo Loas Nago ak Loas Fawo yo paske yo se Loas cho , men apresa se plis Gad Pwen ak nanm yo envoke nan lanp sa yo .


Lè yon Danti ansyen monte yon lanp Cho moun pa dwe pase Nan chanm kote lanp sa a ap limen an paske Enèji ou ka detounen Enèji lanp lan , konsa tou lanp lan ka kaptire Enèji ou e rann ou mal alèz , ou paka ajoute lwil ni chanje mèch nenpòt lè Nan yon lanp Cho kap dire 3 ou 7 jou .


Yon lanp Cho se yon wanga kote ke ou voye yon Espri oubyen plizyè espri akonpanye de fòs dife an ak yon devosyon byen detèmine pou al fè yon travay rapid ou bezwen .


Yon lanp cho gendwa monte devan Bawon , Nan Kafou , anba jouk poul , Nan pak kochon , anba pye palmis , Nan peristil, nan chanm Gad , nan chanm Pwen , nan rivyè, nan gwòt mistik elatriye.


Nan Vodou antik la lanp Cho Gad ak Pwen yo toujou genyen sakrifis bèt ki fèt paske yap bezwen san bèt la pou yo mete Nan lanp lan swa an siy de viktwa ou de sakrifis, konsa yo konn mete san Nan lanp lan pou eksite Espri yo envoke a ale rapib .

Lè yo mete san an pou viktwa se souvan yon moun yo trete ki te mal anpil epi lè sa yo oblije fè lanp de viktwa e bay moun Nan Gad tou , answit seremoni sa a moun sa konn fè yon kantite tan paka manje vyann bèt ki te sakrifye an .

Lè yo metel pou sakrifis se yon lèse pase de vanjans ou jistis yo egzije Lanp lan al ba yo . 


NB : Yon lanp Cho pou vanjans pa dwe janm monte andan kay kote ou dòmi paske Enèji yo kap degaje nan lanp lan pap bon pou ou ak moun kap viv Nan kay la . 


Fè yon lanp Cho san ou pa konn fè envokasyon kapab yon malè pou ou , fòk ou kanalize Espri yo wap envoke a ak yon sèl konviksyon , fòk ou pap plede mande mal paske tou dabò lye ou monte lanp lan ak ansanb engredyan Wap mete Nan lanp lan dwe idantik a travay ou bezwen an , Egzanp: si wal monte Yon lanp kontre yon advèsè Nan yon pak kochon Ebyen Espri wap envoke a gentan konprann trè klè fason poul aji .


✍🏿Maître JB Asani 


#AyiboboVodouVi 

#AyiboboLwaYo

Comentarios

Publicar un comentario

Entradas populares de este blog

Leson

 Fèy sitwonèl. Li bon pou pwoblèm estomak, h pilory. Ilsè estomak asid, Fredi. Si bouch ou gen movèz odè. Ou Ka toujou fè te ak li mete miel. Si w ansent pa bwè l. Bwè li Pou 6 jou Yon fwa pa jou .Lalwa Lalwa gen plis pase 5000 ane depi moun ap itilize l pou fè remèd.  Lalwa bon pou yon latriye bagay men ou pa dwe bwè lalwa plis pase 3 fwa nan yon semèn.  Mwen pote kèk nan byenfè lalwa pou moun ki te mande m poukisa lalwa bon.  1. Lalwa bon maladi sik kale fèy lalwa a epi pran sa ki anndan l lan bat li bwè l epi l ap desann sik lan. Kontwole sik la pou ka konn lè l monte ak lè l desann.  2. Lalwa desann tansyon ou ka bwè l oswa kale l mare l sou tèt ou kite l fè 1h tan. Apre sa al kontwole tansyon an.  3. Si ou fè kòlè oswa sezisman bwè yon fèy lalwa.  4. Si ou gen doulè ou ka kale lalwa epi depoze kote k ap fè w mal la.  5. Si ou fè maladi opresyon ou ka bwè l pou soulaje w.  6. Lalwa bon pou endijesyon kale yon fèy bwè l.  7. Lalwa bon...
Leer más

Lwa Petro

  Kèk lwa Petwo Koulè tradisyonèl lwa Petwo yo se wouj, Rit petwo a se sou zile a li a li pran nesans. 1.AZANGON LORO 2.BAKOULOU BAKA 3.BOSOU TWA KÒN 4.BRIZ MONTANY 5 - BRIZE 6 DAM LAVE 7.DAMBALA WEDO DJENKE 8.DISPONYA LODE 9. EZILI BOHAN 10.GOUGOUN DANYON 11. GRAN BWA MEDJI 12.GRANN BOT 13.GRANN EZILI 14.JAN PETRO 15.JATIBWA KENTO 16.JENERAL BRIZE 17.KABWATYE 18.KAFOU GDI GHIDI 19.KAFOU TWA 20 LAYE BWA 21 LEGBA BWA 22.LENGLENSOU BASEN SAN 23 LENGLENSOU DANMAN  24.LENGLENSOU GWE 25.LENGLENSOU PYE 26. MAHILWEIZ BOUMBA ( manze) 27. MAMBO ADELAYID GWO TETE 28. MAMBO DAYILA 29. MANMAN YANGAN 30. MARASA BWA 31. MARASA LAFRIK GINEN 32. GRAN BWA ILE ( MET ) 33.LOVANA ( METRES ) 34. MERANSYEL ( METRES ) 35.PYE ( MOUCHE ) 36.OGOL JE WOUJ 37. PYE BRIZ 38. PYE DANTO 39. PYÉ DANYON 40. PYE MARAJOU 41.SIMBI AFRIKEN 42.SIMBI AMPOLA 43.SIMBI DHLO 44. TIJAN DANTO 45.TI JAN PETRO 46. ZAKA KWESI MANYAN 47. ZAZI MAZWA  48.ZILE MPEMBA 49. ZINGA...
Leer más

Sortir votre potentiel

  SORTIR VOTRE POTENTIEL Vous tenez une tasse de café, quand quelqu'un arrive et vous bouscule ou vous secoue le bras, vous faisant renverser votre café partout. Pourquoi as-tu renversé le café ? Parce que quelqu'un m'a bousculé ! Mauvaise réponse. Vous avez renversé le café parce qu'il y avait du café dans votre tasse. S'il y avait eu du thé dans la tasse, vous auriez renversé du thé. Tout ce qui est à l'intérieur de la tasse est ce qui va se répandre quand vous serez bousculé. Par conséquent, lorsque les vicissitudes de la vie vous secoue, tout ce qui est à l'intérieur de vous sortira. C'est facile de faire semblant, jusqu'à ce que vous soyez secoué. Nous devons donc nous demander : "qu'y a-t-il dans ma tasse ?" Quand la vie devient difficile, qu'est-ce qui déborde en moi ? Joie, gratitude, paix et humilité ? Ou colère, amertume, mentalité de victime et tendance à abandonner ? Qu’avons nous à l’intérieur de nous ? Quelles ...
Leer más