Djò Ogou, simbi, dantò, Bawon, elatriye

 Legba ATibon

Legba Katawoulo

Legba Bwa

Legba kay

Legba Zankliyan 

Tanpri ouvri bariyè yo pou nou

paske tout pòt yo preske fi n fèmen pou pèp Vodouvi a 

Map mande Timoun yo

Ti Marasa yo

Ti Jimo yo

Manman Jimo

Papa Jimo

Marasa kay

Choukèt Marasa

Marasa Dosou

Marasa Dosa 

Tanpri ti fanmi m yo

Vi n resevwa nou nan Lakou a 

Nou bezwen al rankontre ak Granmoun ki responsab lakou a 

Paske nou gen yon ti koze pou n fè ak Grandèt ki la yo 

Ti les zanj ki la yo tanpri pote yon tichèz prete m 

Paske mwen pral koze ak Pè a

Mwen pral fè yon ti pale ak Grann Aloumandja 

Mwen gen deux mo pou m di ak Minis lan 

Map gen bezwen General la tou wi 

Eske map ka wè ak manman m Dantò

Mwen gen deux kestion pou m poze Mètrès Freda 

Gade tipitit

Ou wè Manbo a la

Eee 🤔  Manbo Lovana

Lovana tanpri prete m batwèl ou paske mwen gen de twa moso gro ble pou m lave 

Tanpri ti Marasa 

Marasa Lafrik Ginen  gade pou n wè si

Klèmezin gentan sou de pied l pou mwen 

Paske mwen tap mande l pou l al pase yon bale lakay mwen 

Paske koze m dòmi deyò 

Mwen gen yon doulè la aa

Yon vant kòde

Mennen m kote mètrès la 

Pou l ka fè yo bouyi yon remèd pou mwen 

Oooooooo Danmbala Wèdo

AYIDA Wèdo vant mwen ap fè mal tanpri dr pa exselans bouyi yon remèd pou mwen

Poze men w sou mwen

Djò pa pouvwa gran chimen legba atibon legba zankliyan legba kay legba flewounde legba zòkòlòsò vye vye legba parenn legba oumgan ikan legba  kris legba 

Wap jete 3 gout dlo devan chak balen avanw limen yo.

Avan liminen legba atibn 

U dwe salye met kafou jete kleren epi pase yon alimet pou pran dife paske li sou dimansyon petwo.

☆ Dyò Èzili Dantò ☆* .... 

*Demand ak Mètrès Dantò pou nou jwenn asistans, ak lè nou angaje.* 

Limen balèn ble oubyen lanp lwil maskreti jou madi oubyen samdi.

Sèvi diven wouj, diri jòn ak pwa nwa, won kou kochon, poulèt poul nwa, banann peze. Gato ble.* 

*Pa pouvwa Enèji Kreyatris la ki kreye Linivè ak 4 fòs kosmik yo.* 

*Manman Ezili Dantò, mwen, pitit ou, ap rele ou jodi a, sou bitasyon manman kite fè manman mwen sou bitasyon papa kite fè manman mwen. Manman Ezili Dantò pitit-ou ap rele'w, ou menm ki soti sou bitasyon manman ki fè papa mwen e papa ki te fè papa mwen, panche zòrèy ou Mètrès Dantò, tande plent mwen manman, jodi-a mwen pote tout pwoblèm yo devan ou Se ou sèl mwen genyen kòm defansè depi tout tan e pou tout tan k'ap gen tan.* 

*Pa kite mwen wont devan lènmi yo manman Dantò, pa kite pèsonn griyen dan sou mwen, mande mwen sa mwen te kwè ?* 

*Mwen fè'w demand sa paske mwen kwè nan lanmou ou genyen pou chak pitit ou ki mache sou prensip ak règleman

Priyè pou jwenn limyè nan bitasyon w

Wap bezwen yon balèn pou fè sa avan men m ou dòmi. Lèw leve nan demen maten vin di sa w wè.

💀💀💀

Nan non legba ATIBON mwen ouvè pòt Bitasyon manman m ak papa m. 

Mwen salye tout lwa ki nan bitasyon manman m ak tout sila yo ki nan bitasyon papa m espesyalman ; Mèt Kalfou,Damballah,Marassa, Freda,La Sirène,LaBalèn Ogou,KouzenZaka,,AzakaMede,

Dantor,Baron,Gede.etc map mande nou mete nan mwen abondans ;lanmou,tolerans,mizèrikòd ak sajès, fèm konnen jistis,lapè ak pwosperite vide sou mw bonjan respè pou mwen pou lwa inivèsèl yo ak pou moun ki antoure m 

Nan nom baron Samedi,Bawon Simityè ak mèt GEDE NIBO ak tout lwa ki nan eskòt Gede yo mwen salye nanm tout mò ki nan bitasyon bò manman ak bitasyon bò papa'm mwen transmèt nou limyè 

Mwen komande n n nan non pi gran espri ke bondye lavi a ki gen tout puisans lan te kreye pou nou founi m  bonjan direksyon pou m akonpli misyon m sou tè a map mande ak tout mò,lwa ki nan bitasyon manmanm ak papa m pou yo kanpe goumen ak tout fòs envizib kou vizib ki vle goumen avèm map mande n pou nou kraze tout sa ki fèt deja pou bloke m sou plan sosyal,ekonomi ak espirityèl kraze tout konplo kèlke swa kotel te fèt, kèlke swa moun ki te fèl nan nan Bondye lavi a. 👍👍👍

AGO-

AGOSSI-AGOLA

Priyè zaka

Limen balen vèt oubyen lanp luil doliv ou jou vandredi sevi ak yon rhum bitasyon. 

Kouzen zaka mede

Men frew ki vinn kotew mw bezwen pou ede mw viv tankou moun sou latè pandan ti bput tan mw map viv la mete mw sou proteksyon u paske mw konnen yon pye bwa pa k pouse ni donnen san rasin minis la.

Mw mandew mache ak mw nan tout sa map regle nan vi mw  jaden gadinay komes bizniss pwoteksyon mw mande pwoteje pawol sa mw adresew kont tout move santiman ogey fe wè jalouzi reziyans elatriye

Mouche zaka mede neg awonbla vodou kouzen zaka odon zaka yonbo neg zakasi zaka tone zaka mazoko zoko mazaka zakrib 

Alaso alaso alaso

Priyè Legba 🖤🖤🤍 

Pa pouvwa legba gran chimen, legba avadra, legba atibon

Mèt kafou, mèt granbwa,

Vye vye legba, 

legba katawoulo, legba kay, legba gwèto

Ouvè wout ban m pase pou m al regle zafè mwen

Nan non legba kolboso, legba zankliyan, legba fèy

Kite pawòl mwen pase rive jwenn ……….

Antre pawòl la nan lespri li,

Fè li konprann mwen.

Pa pouvwa 21 pwen kafou, 21 pwen simityè

Mwen komande ………………………

Ak 21 balèn ki se 21 nanchon Vodou a

Ki depoze sou vèvè sa

Gras pou ou papa legba

Demand mwen akòde.

PRIYÈ A OGOU*

PAPA OGOU mwen vini devan ou , mw ouvè kè mwen ba ou pou dirije m papa Ogou feray.

Ou menm ki se fòs ki anndan fè a kap limen nan  boukan an
Map fè tout efom,Ogou badagri
Pou  verite ki nan mwen yo jayi , santiman mw yo, panse mw yo ak fòs ki sot andann mw yo.

Map mandew PAPA pou toujou fèm aji avek tout moun avek bòn konsyans ki soti nan wou pou aksyon mw yo pat trayi pèson
Ni nan panse mw yo, ni nan santiman mw yo
Ogou Balendjo,mw te byen batay kont tout manti ak tout kontraryete
Ke mw te rankontre sou chemen mw pandan jounen an.

Nwit la rive,kò mw mande repo
Mw ap fè demande mw nan 4 fasad
À tout esprit Bò MANMAN m , Bò PAPA m ak tout espri vizib  ak sa ki envizib yo
Pou yo fè lavi espirityel mwen ak lavi ekomik mwen , amelyore chak jou pou Travay la ka fet pi byen

Mw ap mande ou,Osany Gegimalo
Pou ou antre andann mw ak tout fòs ou
Toutan E tout kote mw ye
Mw vle vin pitit ou pou mw ka pote mesaj eskot Nago a bay lot yo
Papa Loko fè mw gen bon jan kolaborasyon ak renmen pou tout mounOgou Feray pa sèlman la pou Lagè ak Pwoteksyon ou ka moute yon Lanp Ogou tou pou w mande l pou l fè wout pou ou si tout fwa ou ta remake ou bloke nan lavi w ekonomikman Ou ka mande l pou l fè wout pou ou Pou w ka jwenn, ou ka mande l pou l debloke w pou w ka avanse nan lavi ekonomik ou. Pou w fè lanp sa a w ap bezwen lwil dou, presipite wouj, epi w ka mete 7 bon lwil ladan l tou si w genyen epi w ap bezwen yon ti chodyè Zen yo rele l madoken tou gen plizyè kalite sa w ap gade nan foto a se youn yo fè yo avèk Ajil ( men si w pa genyen ou ka fè l nan yon asyèt blan) epi w ap bezwen Kleren w oubyen Ronm ou
Vèvè Ou epi w fè demand ou Pou Eskòt nago a ka ede w soti nan sa w ye a.  Awoshenago 🐎⚔️🛡🥃🔥

🖤Priyè Bawon

Priyè pou lè ou bezwen asistans zansèt ou

Limen bouji nwa oubyen lanp tèt gridap Jou samdi oubyen 

lendi.

Sèvi wonm bitasyon blan, kwi aran sèl ak patat boukannen, 

piman.

Bawon Samdi, Bawon simityè, Bawon lakwa

Nèg gedeviwelo, nèg twa wou, twa pens, twa pikwa

Nèg ki gen pouvwa sou tout nanm ki travese

Ou kanpe djanm devan simityè

Se ou k ap veye pòt kote nanm pase

Pòt ki separe limyè ak fè nwa

Tanpri mwen gen bezwen ……….ki travese jou ki te....

Ba li pèmisyon pou li tande mwen

Mwen mande pasaj pou li travese ede mwen

Ou trè pwisan Bawon

Komande nanm yo ki deja travese

Pou vini pote mwen sekou

Mwen mande w nan non gede wensou kensou mazaka lakwa 

Kwasenbo🙌🙌🙌🙌🖤 

Priyè Simbi

Priyè ougan manbo sèvitè ak moun ki gen don.

Limen balèn wouj oubyen jòn, lanp lwil akasya, jou samdi

Sèvi wonm bitasyon blan

Papa Simbi

Fè nou sèvi zouti pou mete kè poze kote gen la toumant,

Fè nou sèvi medikaman pou bay gerizon kote ki gen maladi.

Fè nou mete tèt ansanm kote youn pa vle wè lòt

Fè nou mete padon kote youn ap derespekte lòt,

Fè nou mete renmen, kote youn rayi lòt

Fè nou mete laverite, kote ki gen dout

Fè nou mete konfyans, kote youn vle twonpe lòt

Fè nou mete lespwa, kote ki gen dekourajman

Fè nou mete limyè, kote ki gen fè nwa

Fè nou mete kè kontan, kote ki gen lapèn

Papa Simbi

Fè nou pito konsole pwochen nou

Olye se konsolasyon n ap chèche pou tèt nou.

Paske lè nou bay nan non ginen yo n ap resevwa.

Se lè nou bliye tèt nou,

Ou ba nou sa nou merite.

Se lè nou padone pwochen nou

N ap jwenn padon pou tèt nou nan men ou.

Nan non w Papa Simbi Andezo, Simbi Yanpaka,

Simbi Ankita, Simbi Anpola,

Simbi Maza, Simbi Makaya, Simbi fèy, Simbi gangan,

Simbi 3 zile, Simbi travo,

Nèg kouloumbwa mennen malo,

Nèg tate kite, nèg biki makaya,

Nèg eskalye boumba, nèg zazi pongwe, Li Gonde Malolo,

Nèg laye, nèg Simbi Laye, nèg Kasamanbilay 

Matipouyi-yi, Madiomansah 

Bilolo Bilolo Bilolo*Lapriyè ou dwe resite jou samedi*🙌 

PRIYÈ Dantò

Priyè pou mande Dantò asistans, ak lè ou angaje.

Limen balèn ble oubyen lanp lwil maskreti jou madi oubyen 

samdi.

Sèvi diven wouj, diri jòn ak pwa nwa, won kou kochon, poulèt 

poul nwa, banann peze. Gato ble.

Nan Lafwa, lesperans ak la charite

Pa pouvwa Mèt syèl la, Mèt tè a, Mèt dlo a, Mèt dife a.

Manman Ezili Dantò, mwen, pitit ou, ap rele ou Jodi a

Sou bitasyon manman kite fè manman mwen

Sou bitasyon papa kite fè manman mwen.

Manman Ezili Dantò pitit ou ap rele ou

Ou menm ki soti sou bitasyon manman ki fè papa mwen

E papa ki te fè papa mwen

Panche zòrèy ou Mètrès Dantò

Tande plent mwen manman,

Jodi a mwen pote tout pwoblèm yo devan ou

Se ou sèl mwen genyen kòm defansè depi tout tan

E pou tout tan k ap gen tan.

Pa kite mwen wont devan lenmi yo manman Dantò,

Pa kite pèsonn griyen dan sou mwen,

Mande mwen sa mwen te kwè ?

Mwen priye ou konsa paske mwen kwè nan lanmou

Ou genyen pou chak pitit ou

Ki mache sou prensip ak règlemanMen kèk priyè ki ka enspire ou

(Pa bliye, pi bon lapriyè se sa ou ekri ou menm) 

Priyè lavi

Priyè pou bay bondye glwa

Limen balèn blan oubyen lanp lwil doliv, resite priyè sa chak 

jou

Bondye lavi a mwen di ayibobo pou ou

Ou ki mèt tè, mèt dlo, mèt dife, mèt van

Mwen vini devan ou jodi a

Voye je gade mwen epi pran ka mwen

Mwen mande ou eskiz pou tout sa mwen ta fè ou pa renmen

E mwen mande pou mete padon,sajès ak lanmou nan kè mwen

Ede mwen respekte ak pwoteje lavi tout kote, tout tan

Ban mwen fòs ak kouraj pou mwen ede sila ki pi fèb yo

Pa kite pouvwa ak richès vire lòlòj mwen

E tanpri pa kite mwen peri anba mechan yo 

Ago agosi Agola

Dyò Ogou Feray.

Pou fè demand a Jeneral Ogou ak pou lè nou nan batay.

Limen balèn wouj oubyen lanp lwil akasya jou mèkredi Sèvi wonm bitasyon
jòn, diri jòn ak pwa wouj, kòk wouj, kabrit.
Nous écrire

Mèt batala. Batalai megi Gason vanyan, nèg ki sezi kle loraj. Ogou feray, nèg fè, nèg o konba, nèg janbe malè mwen angaje, mwen pwal fè yon wout an ale
avè mwen.

Pa pouvwa Ogou fè, Ogou achade bòkò Ogou balizaj, Ogou djanmsanm,
Ogou balendjo Fòk tout lenmi ki bare wout mwen kouri kite mwen pase Nan
non Ogou Chango, Tout sa ki poko soti, rete Tout sa ki sou wout, tounen
Tout sa ki deyò pou atake mwen ap peri ak pèmisyon papa legba, mèt kafou,
Gason lagè sou chimen an.

... Awochènago ....

Priyè Dantò
Priyè pou mande Dantò asistans, ak lè ou angaje.
Limen balèn ble oubyen lanp lwil maskreti jou madi oubyen
samdi.
Sèvi diven wouj, diri jòn ak pwa nwa, won kou kochon, poulèt
poul nwa, banann peze. Gato ble.
Nan Lafwa, lesperans ak la charite
Pa pouvwa Mèt syèl la, Mèt tè a, Mèt dlo a, Mèt dife a.
Manman Ezili Dantò, mwen, pitit ou, ap rele ou Jodi a
Sou bitasyon manman kite fè manman mwen
Sou bitasyon papa kite fè manman mwen.
Manman Ezili Dantò pitit ou ap rele ou
Ou menm ki soti sou bitasyon manman ki fè papa mwen
E papa ki te fè papa mwen
Panche zòrèy ou Mètrès Dantò
Tande plent mwen manman,
Jodi a mwen pote tout pwoblèm yo devan ou
Se ou sèl mwen genyen kòm defansè depi tout tan
E pou tout tan k ap gen tan.
Pa kite mwen wont devan lenmi yo manman Dantò,
Pa kite pèsonn griyen dan sou mwen,
Mande mwen sa mwen te kwè ?
Mwen priye ou konsa paske mwen kwè nan lanmou
Ou genyen pou chak pitit ou
Ki mache sou prensip ak règleman
Bilolo bilolo bilolo```

Ayibobo Vodou

________________

* Mwen kwè Nan Olowum ki kreye tè a epi syèl la 

Mwen kwè Nan Damballah Wedo kap dirije syèl la 

Mwen kwè Nan Legba ki se mèt soley la

Mwen kwè Nan mèt Grandchimen Met kafou Met granbwa Met simitye Met larivye

Mwen kwè Nan Erzulie Dantor kise fòs bwakayiman kise ren nou epi manman tout ayisyen 

Mwen kwè Nan Erzulie Freda, La Baleine, La sirèn kise rèn ki Bay lanmou San patipri

Mwen kwè Nan Mèt Agwe kise gid bato lavi nou

Mwen kwè Nan Lwa Rada yo ki se fòs lavi nou

Mwen kwè Nan Minis Zaka Mede kise richès nou

Mwen kwè Nan Lwa Petro yo kise defans lavi nou

Mwen kwè Nan Eskot Lwa Nago yo kise fòs kap limen Nan nou

Mwen kwè Nan fòs Lwa Kongo yo kap veye sou nou 

Mwen kwè Nan Grand Brigit , Bawon Samadi kise manman , papa jistis nou epi mwen kwè Nan tout fòs Gede yo ki toujou avem tout kote nou pase

Mwen kwè Nan fòs Tayino yo ki se premye pep ki tap Viv dou tè Dayiti Mwen kwè Nan lafrik Ginen , mwen kwè Nan Zanzèt nou yo 

Mwen kwè Nan Makandal , Boukman , Kapwa Lanmò epi Desalin ki se papa tout ayisyen Mwen kwè Nan Sanite Bele , Katrin Flor, Sesil Fatiman kom fanm kise manman libete Nou onore kouraj Fanm sa yo ki kite Lespwa kap boujonen Nan kè nou Mwen kwè Nan Vodou ki se libete ak nanm tout Ayisyen .

Priyè Bawon

Priyè pou lè ou bezwen asistans zansèt ou

Limen bouji nwa oubyen lanp tèt gridap Jou samdi oubyen 

lendi.

Sèvi wonm bitasyon blan, kwi aran sèl ak patat boukannen, 

piman.

Bawon Samdi, Bawon simityè, Bawon lakwa

Nèg gedeviwelo, nèg twa wou, twa pens, twa pikwa

Nèg ki gen pouvwa sou tout nanm ki travese

Ou kanpe djanm devan simityè

Se ou k ap veye pòt kote nanm pase

Pòt ki separe limyè ak fè nwa

Tanpri mwen gen bezwen ……….ki travese jou ki te....

Ba li pèmisyon pou li tande mwen

Mwen mande pasaj pou li travese ede mwen

Ou trè pwisan Bawon

Komande nanm yo ki deja travese

Pou vini pote mwen sekou

Mwen mande w nan non gede wensou kensou mazaka lakwa

Kwasenmbo

Priyè ak Danmbala⚕️🐍🩺🤍🟢🥚🐍 

Priyè pou wè klè devan ou

Limen balèn blan oubyen lanp lwil sent jou Dimanch

Sèvi siwo dòja. Pijon blan. Gato Blan. (Ze peyi sou farin frans)

O Danmbala wèdo tokan miwaze

Nèg salavantior

sila bon ke pasa wilibo wilimen

Nèg gwo bèt sèt tèt

Aprè dye aprè dye aprè dye

Nèg ki wè tout bagay ki konn tout bagay ki fè tout bagay

Nèg ki te la avan tout bagay

Voye limyè pou mwen

Klere devan mwen

Retire wòch ak pikan sou wout mwen

Bouche tou ki ka fè m tonbe

Papa danmbala, nèg dokosi dokosa

Gid tout sa ki gen lavi

Nèg ki akonpaye zansèt yo anba kal batiman

Lavi mwen nan men ou

Ago agosi agola